[email protected]
feddral bank
BREAKING NEWS

சசிகலாவிற்கு எதிராக பொதுச்செயலாளர் பதவிக்கு போட்டி இல்லை-பொன்னையன் பேட்டி

பதிவு செய்த நாள்: 29 Dec 2016 10:31 am

சென்னையில் அ.தி.மு.க. செய்தித் தொடர்பாளர் பொன்னையன் நிருபர்களுக்கு பேட்டி அளித்தார். அப்போது அவரிடம் நிருபர்கள் கேட்ட கேள்விகளும், அதற்கு அவர் அளித்த பதில்களும் வருமாறு:-

கேள்வி:-முதல்-அமைச்சர் ஜெயலலிதா உயிரோடு இருந்தபோது அவரை தொண்டர்கள், நிர்வாகிகள் எல்லோரும் நிரந்தர பொதுச்செயலாளர் என்று அழைத்தார்களே? நிரந்தர பொதுச்செயலாளர் என்ற விதி முறையில் மாற்றம் செய்யப்படுமா?

பதில்:- அ.தி.மு.க. சட்ட திட்ட விதிமுறைகளில் ‘நிரந்தர பொதுச்செயலாளர்’ என்ற முறையே இல்லை. பொதுச்செயலாளர் தான். நாங்கள் மறைந்த முதல்-அமைச்சரை பாசத்தின் மிகுதியால் அவ்வாறு அழைத்தோம். கடந்த காலங்களில் பொதுச்செயலாளராக நெடுஞ்செழியன், எம்.ஜி.ஆர். இருந்து இருக்கிறார்கள். எனவே அது பிரச்சினை இல்லை.

கேள்வி:-பொதுச்செயலாளர் பதவிக்கு போட்டி இருக்கிறதா?

 பதில்:-பொதுச்செயலாளர் பதவிக்கு போட்டியே இல்லை. இதுவரை யாரும் மனுக்கள் கொடுக்கவில்லை. பொதுச்செயலாளரை பொதுக்குழுவே தேர்ந்தெடுக்கும். பொதுக்குழு நடத்த தேர்தல் ஆணையத்திடம் அனுமதி பெறப்பட்டுள்ளது.

கேள்வி:- பொதுக்குழுவுக்கு சசிகலா வருவாரா? அவர் பொதுச்செயலாளராக தேர்ந்தெடுக்கப்படுவாரா?

பதில்:- அவர் வருவதில் என்ன தடை இருக்கிறது? அ.தி.மு.க.வில் அனைத்து அமைப்புகளும் சசிகலா பொதுச்செயலாளராக வர வேண்டும் என்று தான் விருப்பம் தெரிவித்து இருக்கிறது.

இவ்வாறு அவர் பதில் அளித்தார்.

"இந்த செய்தி / கட்டுரைக்குரிய உங்கள் கருத்தை கீழே பதிவு செய்யுங்கள்"

கருத்தை சொல்லுங்க

*

Like our official page to unlock the content
Or wait 60 seconds